វាមានពាក្យចចាមអារ៉ាមជាច្រើនអំពីស្មាតហ្វូន Samsung Galaxy A10, Galaxy A20, Galaxy A30 និង Galaxy A50 ហើយនៅក្នុងព័ត៌មានចុងក្រោយបំផុតបញ្ជាក់ថា ស្មាតហ្វូន A10, A20 និង A30 នឹងបង្ហាញខ្លួនឆាប់ៗនេះនៅក្នុងប្រទេសឥណ្ឌា។ ស្មាតហ្វូន Galaxy A50 អាចនឹងបង្ហាញខ្លួននៅក្នុងឆមាសទី ១ នៅឆ្នាំនេះ។

ក្រុមហ៊ុនបច្ចេកវិទ្យា Samsung បញ្ចេញនូវស្មាតហ្វូន Galaxy M10 និង Galaxy M20 នៅក្នុងប្រទេសឥណ្ឌា។ នៅថ្ងៃទី ២០ ខែកុម្ភៈខាងមុខនេះ ស្មាតហ្វូន Galaxy S10, Galaxy S10+ និង Galaxy S10e នឹងបង្ហាញខ្លួនហើយ។ ស្មាតហ្វូន Galaxy Flex/Fold ដែលអាចបត់បានដំបូងបំផុតក៏អាចបង្ហាញខ្លួននៅក្នុងព្រឹត្តិការណ៍នេះផងដែរ។

Galaxy S10 series អាចនឹងបង្ហាញខ្លួននៅលើទីផ្សារនៅក្នុងប្រទេសឥណ្ឌានៅត្រីមាសទី ២ ឆ្នាំ ២០១៩ ហើយស្មាតហ្វូន A10, A20 និង A30 នឹងបង្ហាញខ្លួននៅក្នុងត្រីមាសទី ១ ក្នុងឆ្នាំ ២០១៩ ។ ស្មាតហ្វូន Galaxy A50 អាចនឹងបង្ហាញខ្លួននៅក្នុងត្រីមាសទី ២ នៅឆ្នាំនេះ។ Galaxy A10 អាចនឹងមានតម្លៃ Rs. 8,490 (~$118) ។ សម្រាប់ស្មាតហ្វូន M10 និង M20 ប្រើប្រាស់អេក្រង់ LCDs ខណៈពេលដែលស្មាតហ្វូន Galaxy A អាចនឹងប្រើប្រាស់អេក្រង់ S-AMOLED displays ។

ស្មាតហ្វូន Galaxy M10 និង M20 នឹងមានថាមពលថ្មទំហំ 3,400mAh និង 5,000mAh ។ Galaxy A10 (SM-A105F), A20 (SM-A205F), A30 (SM-A305F), A40 (SM-A405F) និង A50 (SM-A505F) ទើបតែបង្ហាញខ្លួននៅលើ Geekbench ថ្មីៗនេះផងដែរ។ A10, A20, A30 និង A40 នឹងប្រើប្រាស់បន្ទះឈីប Exynos 7885 chipset និង Android 9 Pie OS ។ ស្មាតហ្វូន Galaxy A50 នឹងមានបន្ទះឈីប Exynos 9610 chipset, 6 GB RAM និងប្រព័ន្ធប្រតិបត្តិការ Android 9 Pie OS ។ ស្មាតហ្វូននេះមានម៉េមូរីទំហំ 64GB និងម៉េមូរីទំហំ 128GB ហើយវាក៏ប្រើប្រាស់នូវប្រព័ន្ធស្កេនក្រយ៉ៅដៃក្រោមអេក្រង់ optical in-display fingerprint scanner និងកាមេរ៉ា ៣ គ្រាប់ថែមទៀត។ វាអាចនឹងមានថាមពលថ្មទំហំ 4000mAh ៕