នៅក្នុងការប្រកាសបង្ហាញស្មាតហ្វូន Nokia 6.2 និង Nokia 7.2 រួចមក ក្រុមហ៊ុនបច្ចេកវិទ្យា Nokia Mobile ធ្វើការប្រកាសអំពីស្មាតហ្វូនដែលនឹងមានការទ្រទ្រង់ទៅលើមុខងារ Ambient Mode នៅលើ Google Assistant ថែមទៀត។ សម្រាប់ Ambient Mode នេះគឺដំណើរការនៅពេលដេលស្មាតហ្វូនេះធ្វើការតភ្ជាប់ ឬបញ្ចូលថាមពលថ្ម និងការបង្ហាញនូវម៉ោង រូបភាព ព័ត៌មាន សាររំលឹក ការគ្រប់គ្រងទៅលើតន្ត្រី និងជាច្រើនទៀត។
តាមការបញ្ជាក់របស់លោក Derry ធ្វើការចែករំលែករូបភាពរបស់ស្មាតហ្វូន Nokia 6.1ដែលទទួលបាននូវមុខងារ Ambient Mode នេះ។ ជំនួយការឆ្លាតវៃ Google Assistant ចាប់ផ្តើមធ្វើការប្រើប្រាស់នូវ Ambient Mode ដើម្បីមើលទៅលើ Slideshow នៃរូបភាព ព័ត៌មាននៃការធ្វើដំណើរ ការគ្រប់គ្រងទៅលើ Media និងជាច្រើនទៀត។
XDA-developers ក៏ធ្វើការរាយការណ៍ថា អ្នកប្រើប្រាស់របស់ស្មាតហ្វូន Xiaomi’s Redmi K20 Pro ក៏ទទួលបាននូវមុខងារ Ambient Mode នេះផងដែរ។ យើងអាចរំពឹងថា ស្មាតហ្វូនជាច្រើនទៀតឆាប់ៗនេះនឹងទទួលបាននូវមុខងារថ្មីនេះ៕