កុំព្យូទ័រជំនាន់ថ្មី Lenovo ThinkBook 16p Gen 3 បានបង្ហាញខ្លួនជាផ្លូវការនៅក្នុងព្រឹត្តិការណ៍ IFA 2022 ដែលជាកុំព្យូទ័រមានរូបរាងស្រស់ស្អាត និងសមត្ថភាពខ្លាំងក្លា។ កុំព្យូទ័រ Lenovo ThinkBook 16p Gen 3 នេះមានអេក្រង់ 16-inch IPS ជាមួយនឹងកម្រិតអេក្រង់ 2.5K pixels ។ អេក្រង់នេះមានគែម Bezels ស្តើង ហើយវាមាន 60Hz panel ដែលមានកម្រិតពន្លឺ 400 nits និង 165Hz VESA Certified HDR400 panel ជាមួយនឹងកម្រិតពន្លឺ 500 nits ។
កុំព្យូទ័រនេះទ្រទ្រង់នូវវិញ្ញាបនបត្រ X-Rite Pantone និងទ្រទ្រង់នូវ Dolby Vision ។ កុំព្យូទ័រ Lenovo ThinkBook 16p Gen 3 នេះប្រើប្រាស់នូវ full-sized backlit keyboard ជាមួយនឹង dedicated number pad ផងដែរ។ វាក៏ប្រើប្រាស់នូវ Dolby Atmos និង dual-array microphones ។ ThinkBook 16p Gen 3 នេះមានកាមេរ៉ា FHD RGB webcam ឬ FHD + IR webcam ។ Lenovo ThinkBook 16p Gen 3 នេះមានបន្ទះឈីប AMD Ryzen 9 6000 H-Series processors ជាមួយនឹងក្រាហ្វិកកាត NVIDIA GeForce RTX 3060 GPU ។ វាមានរ៉េមទំហំ 32GB LPDDR5 RAM និង 2TB SSD storage ។
វាប្រើប្រាស់នូវថាមពលថ្ម 71Whr ។ សម្រាប់រន្ធតភ្ជាប់របស់វាមាន HDMI port, USB-C, USB 4, USB-A, 3.5mm headphone jack, WiFi-6 និងBluetooth 5.2 ។ Lenovo ThinkBook 16p Gen 3 នេះមានតម្លៃ EUR 1,999 ៕