Nokia បានធ្វើការប្រកាសស្មាតហ្វូនដំបូងរបស់ខ្លួនដែលដំណើរការដោយប្រព័ន្ធ ប្រតិបត្តិការ Android គឺ Nokia X, Nokia X+ និង Nokia XL នៅក្នុងព្រឹត្តិការណ៏ Mobile World Congress ។ ដោយ ឡែកសម្រាប់ Nokia X គឺមានលក់នៅលើទីផ្សារអស់មួយរយៈពេលហើយ ទើបតែពេលនេះក្រុមហ៊ុនចាប់ផ្ដើមធើ្វការដាក់លក់ Nokia XL វិញម្ដងនៅក្នុងប្រទេសឥណ្ឌា ។
Nokia XL ដែលជាស្មាតហ្វូនដ៏ធំមួយនៃស៊េរី X ទាំងបីស៊េរី ដោយវាត្រូវបានដាក់លក់ក្នុងតម្លៃ 196$ ថ្លៃជាង Nokia X ប្រមាណជា 80$ ឯណោះ។
ស្មាតហ្វូននេះមានអេក្រង់ទំហំ 5 អ៊ីញថដែលមានកម្រិតរូបភាព 800 x 480 ភិចសែល។ ដូចគ្នាទៅនឹង Nokia X និង X+ ដែរ ដែល Nokia XL មាន CPU ល្បឿន 1GHz dual-core, Qualcomm MSM8225 Snapdragon S4 Play , រ៉េមទំហំ 768 MB, អង្គចងចាំទំហំ 4GB ក្នុងម៉ាស៊ីននិងអាចបន្ថែម SD card បានដល់ 32GB , កាមេរ៉ាក្រោយទំហំ 5 មេហ្គាភិចសែលប្រភេទ LED flash និងកាមេរ៉ាមុខទំហំ 2 មេហ្គាភិចសែល , ថាមពលថ្ម 2.000 mAh, ប្រភេទស៊ីមពីរ ។