ក្រុមហ៊ុនបច្ចេកវិទ្យា Apple ទើបតែប្រកាសបង្ហាញនូវកុំព្យូទ័រ Mac Mini ថ្មីដែលមានបំពាក់នូវបន្ទះឈីប M2 chip ដែលមានប្រភេទ Pro version chip ផងដែរ។បើមើលទៅលើ Mac Mini ជំនាន់មុននេះគឺបំពាក់នូវបន្ទះឈីប M1 chip ដូចទៅនឹង MacBook Air ផងដែរ។
សម្រាប់កុំព្យូទ័រ Mac Mini នេះគឺមាន M2 chip, 8GB RAMនិង 256GB storage ជាមួយនឹង HDMI port, Gigabit Ethernet, headphone jack, 2x USB-A ports និង 2x Thunderbolt 4 (USB-C) ports ថែមទៀតជាមួយនឹងតម្លៃ $599 ។ Mac Mini ដែលមានបំពាក់នូវ M2 Pro នេះគឺមានរ៉េមទំហំ 16GB, 512GB SSD storage និង 2x Thunderbolt 4 ports គឺមានតម្លៃ $1,299 ។
គួរបញ្ជាក់ផងដែរថា M2 Max chip គឺជាបន្ទះឈីបដ៏ខ្លាំងក្លារបស់ក្រុមហ៊ុន Apple ហើយវាក៏ប្រើប្រាស់នៅលើកុំព្យូទ័រ MacBook Pro ម៉ូឌែលថ្មីផងដែរ។ Mac Mini ថ្មីនេះគឺមានការ upgrade ច្រើនជាមួយនឹងសមត្ថភាពខ្លាំងក្លាជាងមុន រូបរាងស្តើងជាងមុន និងងាយស្រួលក្នុងការប្រើប្រាស់ទាំងអ្នកប្រើប្រាស់ទូទៅ និងអ្នកប្រើប្រាស់អាជីពជាមួយនឹងបច្ចេកវិទ្យាចុងក្រោយបំផុតរបស់ក្រុមហ៊ុន Apple ៕