DJI គឺជាក្រុមហ៊ុនដែលផ្តោតទៅលើភាពច្នៃប្រឌិត ហើយក្រុមហ៊ុននេះក៏បន្តក្នុងការពង្រីកទៅលើផលិតផលរបស់ខ្លួនផងដែរ។ ថ្មីៗនេះ ក្រុមហ៊ុន DJI ទើបតែប្រកាសបង្ហាញនូវយន្តហោះដ្រូនថ្មីដែលមានឈ្មោះហៅថា Matrice 350 RTK ។ Matrice 350 RTK នេះគឺជាម៉ូឌែលថ្មីរបស់យន្តហោះដ្រូន M300 RTK ដែលមានការពង្រឹងទៅលើរយៈពេលនៃការហោះហើរបានយូរជាងមុន ការផ្ទុកទម្ងន់បានធ្ងន់ជាងមុន និងមុខងារថ្មីៗជាច្រើនទៀត។
DJI Matrice 350 RTKអាចហោះហើរបានដល់ទៅ 55 នាទីក្នុងការសាកថ្មម្តងដែលមានការកើនឡើងដល់ទៅ 20% បើធៀបជាមួយនឹងដ្រូន M300 RTK ។ យន្តហោះដ្រូន Matrice 350 RTK នេះអាចផ្ទុកទម្ងន់បានដល់ទៅ2.7 គីឡូក្រាមដែលមានកើនឡើងជាងមុន 30% ។ Matrice 350 RTK អាចប្រើប្រាស់សម្រាប់ការងារជាច្រើនដូចជាsurveying, inspection និង mapping ៕