ស្មាតហ្វូនស៊េរីថ្មី Samsung Galaxy Feel ប្រកាសបង្ហាញខ្លួនជាមួយអេក្រង់ 4.7 អ៊ីង ប្រព័ន្ធប្រតិបត្តិការ Android Nougat

ស្មាតហ្វូនស៊េរីថ្មីរបស់ក្រុមហ៊ុនបច្ចេកវិទ្យា Samsung ប្រកាសបង្ហាញខ្លួននៅថ្ងៃនេះ។ ស្មាតហ្វូននេះមានឈ្មោះថា Galaxy Feel ដែលប្រើប្រាស់នូវបន្ទះឈីប SoC Octa-Core ល្បឿន 1.6GHz អេក្រង់ 4.7 អ៊ីងកម្រិត HD រ៉េមផ្ទុកទិន្នន័យទំហំ 3GB និងម៉េមូរីក្នុងម៉ាស៊ីនទំហំ 32GB ។ ស្មាតហ្វូនស៊េរីថ្មីនេះភ្ជាប់ជាមួយកាមេរ៉ាខាងក្រោយទំហំ 16MP និងកាមេរ៉ាខាងមុខទំហំ 5MP ។ វាមានវិមាត្រ 138x67x8.3 mm និងទម្ងន់ 149 ក្រាម។ ស្មាតហ្វូននេះប្រើប្រាស់នូវថ្មកម្លាំងថាមពល 3000mAh និងប្រព័ន្ធប្រតិបត្តិការ Android 7.0 Nougat ។ វាមាន 3 ពណ៌សម្រាប់ជ្រើសរើសគឺពណ៌ស ពណ៌ខ្មៅ និងពណ៌ផ្កាឈូក។ ពិសេសជាងនេះទៀត ស្មាតហ្វូននេះការពារការជ្រាបទឹក និងធូលីផងដែរ។ សម្រាប់ការកម្មង់ទិញមុនស្មាតហ្វូន Galaxy Feel ចាប់ផ្តើមហើយនៅប្រទេសជប៉ុន ហើយការលក់នឹងចាប់ផ្តើមនៅពេលណាមួយក្នុងពាក់កណ្តាលខែឧសភាខាងមុខនេះ។ ចំនែកតម្លៃរបស់ស្មាតហ្វូននេះនៅមិនទាន់ទម្លាយអោយដឹងនៅឡើយទេ៕    

ផ្ទាំងខាងមុខរបស់ហ្វាប់ប្លេត Samsung Galaxy Note 8 ត្រូវបែកធ្លាយនៅក្នុងវីដេអូ

រហូតមកទល់ពេលនេះ ក្រុមហ៊ុនបច្ចេកវិទ្យា Samsung នៅមិនទាន់ទម្លាយនូវព័ត៌មានរបស់ហ្វាប់ប្លេត Galaxy Note 8 នៅឡើយទេ ប៉ុន្តែរូបភាពបែកធ្លាយរបស់ហ្វាប់ប្លេតនេះក៏បានទម្លាយផងដែរ។ ជាក់ស្តែង រូបភាពដែលទម្លាយនេះគ្រាន់តែជាព័ត៌មានបែកធ្លាយចេញពីប្រទេសចិនតែប៉ុណ្ណោះ។ អ្វីដែលលោកអ្នកបានឃើញនៅក្នុងវីដេអូនេះគឺបង្ហាញអំពីផ្ទាំងផ្នែកខាងមុខនៃហ្វាប់ប្លេត​ Galaxy Note 8 ។ តាមព័ត៌មានបែកធ្លាយមុននេះ ហ្វាប់ប្លេត Galaxy Note 8 នឹងបំពាក់ប្រព័ន្ធកាមេរ៉ាភ្លោះអេក្រង់ទំហំ 6.3 អ៊ីង ឬ 6.4 អ៊ីងកម្រិតភាពច្បាស់ AMOLED ជាមួយនឹងកម្រិត Aspect Ratio កម្រិត 18.5:9 ។ ពិសេសជាងនេះទៀតនោះ ហ្វាប់ប្លេត Galaxy Note 8 អាចនឹងប្រើប្រាស់ប្រព័ន្ធស្កែនក្រយ៉ៅដៃ Fingerprint Scanner នៅបង្កប់ក្រោមអេក្រង់ផ្ទាល់តែម្តង៕  

ក្រុមហ៊ុន Samsung ផ្តល់ជម្រើសនៃការទិញស្មាតហ្វូន Galaxy S8/S8+ នូវឧបករណ៍ Gear 360 (2017) ក្នុងតម្លៃ 49 ដុល្លារអាមេរិច

តើលោកអ្នកកំពុងតែរស់នៅក្នុងទឹកដីសហរដ្ឋអាមេរិច និងមានគម្រោងក្នុងការទិញស្មាតហ្វូន Galaxy S8/S8+ មែនទេ? ពេលនេះ ក្រុមហ៊ុនបច្ចេកវិទ្យាយក្សកូរ៉េខាងត្បូងនឹងផ្តល់ជូននូវលក្ខខណ្ណពិសេសក្នុងការទិញស្មាតហ្វូនស៊េរីថ្មី Galaxy S8/S8+ ។ ការផ្តល់ជូនពិសេសនោះគឺថា នៅពេលដែលលោកអ្នកទិញស្មាតហ្វូនស៊េរីថ្មីទាំងពីរនេះ អ្នកអាចចំណាយទឹកប្រាក់បន្ថែមត្រឹមតែ 49 ដុល្លារអាមេរិចប៉ុណ្ណោះសម្រាប់ឧបករណ៍ Gear 360 (2017) ។ ឧបករណ៍ Gear 360 (2017) ដាក់លក់នៅក្នុងទឹកដីសហរដ្ឋអាមេរិចនៅសហរដ្ឋអាមេរិចតាំងពីថ្ងៃទី 25 ខែឧសភាមកម្ល៉េះ។ ឧបករណ៍នេះមានតម្លៃប្រហែលជា 229 ដុល្លារអាមេរិចដែលមានន័យថាពេលនេះអ្នកអាចចំណេញទឹកប្រាក់បានដល់ទៅ 180 ដុល្លារអាមេរិចប្រសិនបើអ្នកកម្មង់ទិញស្មាតហ្វូន Galaxy S8/S8+ ៕

ប្រព័ន្ធប្រតិបត្តិការ Android 7.0 នឹងដំណើរការបានហើយនៅលើស្មាតហ្វូន Samsung Galaxy A8 (2016) ឆាប់ៗនេះ

ឆាប់ៗនេះ ស្មាតហ្វូនស៊េរីថ្មី Samsung Galaxy A8 (2016) នឹងដំណើរការប្រព័ន្ធប្រតិបត្តិការ Android Nougat ។ ស្មាតហ្វូននេះនឹងប្រើប្រាស់ Android 7.0 នេះបើតាមការចុះបញ្ជីនៅលើ GFXBench ហើយការអាប់ឌែតនេះក៏កំពុងតែធ្វើតេស្តដោយក្រុមហ៊ុនបច្ចេកវិទ្យាកូរ៉េខាងត្បូងផងដែរ។ បច្ចុប្បន្ននេះ ស្មាតហ្វូន Samsung Galaxy A8 (2016) ដំណើរការប្រព័ន្ធប្រតិបត្តិការ Android 6.0.1 Marshmallow ។ ប៉ុន្តែកាលបរិច្ឆេទនៃការដាក់អោយដំណើរការជាផ្លូវការនៅមិនទាន់ទម្លាយអោយដឹងនៅឡើយទេ។ យើងសង្ឃឹមថា ឆាប់ៗនេះវាពិតជាអាចដំណើរការបាននៅលើស្មាតហ្វូន Galaxy A8 (2016) ជាក់ជាមិនខាន៕

Android Pay នឹងដាក់អោយដំណើរការក្នុងប្រទេសកាណាដានៅថ្ងៃទី 31 ខែឧសភាខាងមុខនេះ

ថ្មីៗនេះ ក្រុមហ៊ុនបច្ចេកវិទ្យា Google បញ្ជាក់ថា Android Pay នឹងដាក់អោយដំណើរការក្នុងពេលឆាប់ៗនេះនៅក្នុងប្រទេសចំនួន 5 ដែលក្នុងនោះក៏មានប្រទេសរុស្សី និងប្រទេសកាណាដាផងដែរ។ នៅក្នុងប្រទេសរុស្សី ការដាក់អោយកម្មវិធីនេះដំណើរការនឹងចាប់ផ្តើមនៅដើមសប្តាហ៍នេ ហើយពេលនេះយើងបានដឹងដំណឹងនៃការចាប់ផ្តើមដាក់ដំណើរការនៅក្នុងប្រទេសកាណាដាផងដែរ។ យោងតាមរបាយការណ៍ថ្មីមួយនៅអាមេរិចខាងជើង សេវាកម្មនៃការចំណាយតាមរយៈស្មាតហ្វូនរបស់ក្រុមហ៊ុន Google នឹងដាក់ដំណើរការជាផ្លូវការនៅថ្ងៃទី 31 ខែឧសភាខាងមុខនេះ។ សេវាកម្មនេះអាចដំណើរការបាននៅលើ Credit Card និង Debit Card នៅក្នុងប្រទេសកាណាដា ហើយវាអាចនឹងប្រើប្រាស់បាននៅកន្លែងជាច្រើន។ គ្រប់ស្មាតហ្វូនដែលប្រើប្រាស់ NFC និងដំណើរការប្រព័ន្ធប្រតិបត្តិការ Android KitKat 4.4 គឺអាចប្រើប្រាស់សេវាកម្មនេះបាន៕

ចំណាយត្រឹមតែ 299 ដុល្លា ទទួលបានស្មាតហ្វូនស៊េរីទំនើប SUGAR S9 និងកាដូជាច្រើនទៀត

អស់រយៈពេលជាច្រើនខែមកហើយ ដែលអតិថិជនរបស់ក្រុមហ៊ុន SUGAR ទន្ទឹងរង់ចាំយ៉ាងអន្ទះសារនូវស្មាតហ្វូនជំនាន់ថ្មី សមត្ថភាពកាន់តែខ្លាំង មុខងារ និងការរចនារឹតតែទាក់ទាញ មិនទិញ មិនបាន នោះគឺ SUGAR S9 ឥឡូវនេះបានមកដល់ប្រទេសកម្ពុជាហើយ។ វត្តមានរបស់ SUGAR S9 មកដល់កម្ពុជាកាលពីថ្ងៃ ២០ ខែឧសភា ឆ្នាំ២០១៧។ គ្រាន់តែមកដល់ភ្លាម ផេករបស់​ SUGAR PHONE CAMBODIA បានធ្វើការបង្ហាញនូវរូបរាងដ៏ស្រស់ឆើតឆាយភ្លាមផងដែរ ព្រមជាមួយនឹងតម្លៃដែលរឹតតែពិសេសមិនគួរឲ្យជឿ គឺត្រឹមតែ 299 ដុល្លាតែប៉ុណ្ណោះ និងមាន 2 ពណ៌សម្រាប់ជ្រើសរើស ដូចជាពណ៌ខ្មៅនិងពណ៌ផ្កាឈូក។   លើសពីនេះផងដែរ ក្រុមហ៊ុនបានធ្វើការបន្ថែមជូននូវកាដូ Power Bank ទំហំ 20000 mAh និងអាវយឺតដ៏ស្រស់ស្អាតពី SUGAR ដើម្បីជាការថ្លែងអំណរគុណដល់អ្នកគាំទ្រទាំងអស់របស់ SUGAR PHONE CAMBODIA។  លក្ខណៈពិសេសដែលធ្វើឲ្យ SUGAR មានភាពល្បីល្បាញខ្លាំង គឺដោយសារតែរូបរាងដែលល្អស្តើងផ្តាច់គេ និងកម្រិតភាពច្បាស់នៃរូបភាពដោយសារតែកម្រិតភិចសែលខ្ពស់ ជាពិសេស SUGAR S9 នេះតែម្តង។ ចំណែកឯកាមេរ៉ារបស់ […]

បុគ្គលិកក្រុមហ៊ុនសាមសុងស្ម័គ្រចិត្តបរិច្ចាគឈាមដើម្បីជួយសម្រួលដល់ការខ្វះខាតឈាម

ភ្នំពេញ ថ្ងៃទី ១៩ ខែឧសភា ឆ្នាំ២០១៧៖ បុគ្គលិកមកពីក្រុមហ៊ុនសាមសុងថៃសាខាកម្ពុជាបានរួមគ្នាម្តងទៀតដើម្បីបរិច្ចាគនៅ មជ្ឈមណ្ឌលជាតិផ្តល់ឈាម (NBTC) ដែលរៀបចំឡើងនៅថ្ងៃទី ១៩ ខែ​ ឧសភា។   «កម្មវិធីបរិច្ចាគឈាមក្រុមហ៊ុនសាមសុង» គឺជាផ្នែកមួយនៃកម្មវិធី Samsung Love & Care ដែលក្រុមហ៊ុនសាមសុងតែងតែផ្តល់នូវក្តីស្រលាញ់ និងការយកចិត្តទុកដាក់ចំពោះប្រជាជនកម្ពុជាតាមរយៈសកម្មភាពសង្គមនានា។ ជាក់ស្តែងសកម្មភាពស្ម័គ្រចិត្តបរិច្ចាគឈាមរបស់ បុគ្គលិកសាមសុងថ្ងៃនេះគឺមានគោលដៅតែមួយគត់ ដើម្បីឆ្លើយតបទៅនឹងតម្រូវការសំខាន់នៃការផ្គត់ផ្គង់ឈាមដើម្បីជួយសង្គ្រោះជីវិតមនុស្ស។   លោក Seungho Choi អគ្គនាយកគ្រប់គ្រងសាខាក្រុមហ៊ុនថៃសាមសុងអេឡិចត្រូនិចប្រចាំប្រទេសកម្ពុជា បានមានប្រសាសន៍ថា៖  «ក្រុមហ៊ុនសាមសុងស្ថិតនៅទីនេះដើម្បីជម្រុញឲ្យផ្នែក បច្ចេកវិទ្យា ផលិតផល និងការច្នៃប្រឌិតរបស់យើង ហើយយើងសង្ឃឹមថានឹងអាចធ្វើឲ្យជីវិតមនុស្សកាន់តែប្រសើរ។ សាមសុងថែមទាំងជឿជាក់ថា ការកសាងសង្គមប្រកបដោយទំនួលខុសត្រូវ និងការយកចិត្តទុកដាក់គឺចាប់ផ្តើមចេញពីយើងម្នាក់ៗ។ ដូច្នេះហើយ បានជាយើងធ្វើការបរិច្ចាគឈាមនេះជារៀងរាល់ឆ្នាំ ហើយយើងធ្វើវាពីចេញពីក្រអៅបេះដូងរបស់យើង។»     ជាចុងក្រោយ ក្រុមហ៊ុនក៏សូមសំនូមពរឲ្យសាធារណជន និងប្រិយមិត្តអ្នកអានទាំងអស់ ដែលគិតថាខ្លួនមានសុខភាពល្អគ្រប់គ្រាន់ដើម្បីផ្តល់ជូនឈាមសម្រាប់អ្នកដែលត្រូវការជាបន្ទាន់ ដោយទំនាក់ទំនងទៅកាន់មជ្ឈមណ្ឌលជាតិផ្តល់ឈាមតាមរយៈទូរស័ព្ទលេខ 092 99 8000។     អំពីក្រុមហ៊ុន Samsung Electronics Co., Ltd Samsung Electronics Co., […]

ស្មាតហ្វូន Samsung Galaxy S6/S6 Edge នឹងទទួលការ Update ទៅកាន់ Android Nougat ក្នុងពេលឆាប់ៗនេះ

ក្រុមហ៊ុនចែកចាយធំៗ 2 នៅអូស្រ្តាលីទើបតែធ្វើការ Update ទៅលើកម្មវិធី Software របស់ខ្លួនដោយបញ្ជាក់ថា ស្មាតហ្វូន Samsung Galaxy S6/ S6 Edge នឹងទទួលការ Update ទៅកាន់ប្រព័ន្ធប្រតិបត្តិការ Android Nougat ក្នុងពេលឆាប់ៗនេះ។ ក្រុមហ៊ុនចែកចាយទាំងពីរនេះគឺ Vodafone និង Optus ។ ក្រុមហ៊ុនចែកចាយទាំងពីរបញ្ជាក់ថា ការ Update នេះស្ថិតនៅក្នុងការសាកល្បងខណៈពេលដែលក្រុមហ៊ុន Optus បញ្ជាក់ថា ការតេស្តទៅលើប្រព័ន្ធប្រតិបត្តិការថ្មីនេះនឹងបញ្ជប់នៅពាក់កណ្តាល ឬនៅចុងខែឧសភានេះ។ សម្រាប់កាលបរិច្ឆេទជាក់លាក់នៅមិនទាន់ទម្លាយឱ្យដឹងនៅឡើយទេ៕

ស្មាតហ្វូន Samsung Galaxy J3 (2017) ទទួលវិញ្ញាបនប័ត្រពី FCC

ស្មាតហ្វូនស៊េរីថ្មី Samsung Galaxy J3 (2017) ទើបតែបង្ហាញខ្លួនក្នុងបញ្ជីរបស់ Benchmark និងទើបតែទទួលវិញ្ញាបនប័ត្រ Wi-Fi ពី WFA ពេលនេះទទួលបានវិញ្ញាបនប័ត្រពី FCC របស់សហរដ្ឋអាមេរិច។ ស្មាតហ្វូននេះអាចប្រើប្រាស់បានស៊ីមមួយ និងស៊ីមពីរ។ យោងទៅតាមបញ្ជីរបស់ Benchmark ស្មាតហ្វូនស៊េរីថ្មីនេះនឹងបំពាក់នូវបន្ទះឈីប SoC Quad-Core ដែលមានល្បឿន 1.4GHz អេក្រង់ទំហំ 4.8 អ៊ីង HD Display រ៉េមផ្ទុកទិន្នន័យបណ្តោះអាសន្នទំហំ 2GB និងម៉េមូរីក្នុងម៉ាស៊ីនទំហំ 16GB ។ កាមេរ៉ាខាងក្រោយរបស់វាទំហំ 12MP និងកាមេរ៉ាខាងមុខទំហំ 5MP ។ ស្មាតហ្វូននេះដំណើរការប្រព័ន្ធប្រតិបត្តិការ Android 7.0 Nougat ៕  

Samsung Batter Pack កម្លាំង 5100 mAh បំពាក់បច្ចេកវិទ្យា Fast-Charge ដាក់លក់ហើយ!

រយៈពេលពីរខែក្រោយការសម្ភោធស្មាតហ្វូនស៊េរីថ្មី Galaxy S8 ពេលនេះ Samsung Batter Pack បង្ហាញខ្លួននៅលើគេហទំព័រ Samsung នៅសហរដ្ឋអាមេរិចហើយ។ ឧបករណ៍នេះដាក់លក់ក្នុងតម្លៃ 59.99 ដុល្លារជាមួយនឹងកម្លាំងថាមពល 5100mAh និងទ្រទ្រង់បច្ចេកវិទ្យា Samsung Fast Charge ថែមទៀតផង។ Samsung Batter Pack ភ្ជាប់ជាមួយនឹងរន្ធផត USB ចំនួន 2 ដែលមួយជា USB ធម្មតា និងមួយទៀតគឺ USB-C ។ Samsung Batter Pack ភ្ជាប់ជាមួយនឹងរន្ធ MicroUSB ទៅកាន់ USB និងពី microUSB ទៅកាន់ USB-C ។ ក្រុមហ៊ុន Samsung ក៏បំពាក់នូវអំពូល LED នៅលើ Samsung Batter Pack នេះដើម្បីដឹងពីកម្រិតនៃថាមពលថ្មដែលនៅសល់ផងដែរ។ ប្រសិនបើស្មាតហ្វូនរបស់អ្នកមិនទ្រទ្រង់បច្ចេកវិទ្យា Samsung […]