ក្រុមហ៊ុន Samsung បញ្ជប់ការស៊ើបអង្កេតបញ្ហារបស់ Galaxy Note 7 ដែលមានមូលហេតុ 2 ធំៗ (វីដេអូ)

  • January 24, 2017
  • 0 Comments

នៅទីបំផុត ក្រុមហ៊ុន​ Samsung បានប្រកាសនូវលទ្ធផលនៃការស៊ើបអង្កេតរបស់ខ្លួនសម្រាប់បញ្ហារបស់ហ្វាប់ប្លេត​ Galaxy Note 7 ដែលក្នុងនោះវាមានមូលហេតុពីរសំខាន់ៗដែលបណ្តាលឱ្យហ្វាប់ប្លេតនេះកើនឡើងកម្តៅ ឬអាចផ្ទុះនោះ។ ក្រុមហ៊ុនបច្ចេកវិទ្យាយក្សរបស់ប្រទេសកូរ៉េនេះបានបញ្ជាក់ថា ហ្វាប់ប្លេត Galaxy Note 7 និងហ្វាប់ប្លេត Galaxy Note 7 ដែលបានផ្លាស់ប្តូររួចមានផលប៉ះពាល់ថាមពលថ្មផ្សេងៗគ្នា។ សម្រាប់ហ្វាប់ប្លេត Galaxy Note 7 ដែលបានដាក់លក់ដំបូងបំផុតនោះ ការរចនាថាមពលថ្មគឺជាបញ្ហាដែលបណ្តាលឱ្យឆ្លងចរន្តពីប៉ូល (+) ទៅកាន់ប៉ូល (-) បានដែលបណ្តាលឱ្យមានការឆាបឆេះសៀគ្វីនៅពេលដែលថ្មនេះបត់ពត់តែបន្តិចប៉ុណ្ណោះ។ ចំនែកហ្វាប់ប្លេតដែលបានផ្លាស់ប្តូរថ្មីនោះគឺដោយសារតែបញ្ហាថ្មមិនមែនមកពីការឆ្លងចរន្តដូចមុននោះទេ ប៉ុន្តែដោយសារតែតម្រូវការនៅក្នុងទីផ្សារខ្លាំងក្លាពេកទើបធ្វើឱ្យអ្នកផ្គង់ផ្គង់ធ្វេសប្រហែលក្នុងការផលិតថាមពលថ្មត្រឹមត្រូវតាមចរន្ធសៀគ្វី។ លោក D.J. Koh ដែលជាប្រធានផ្នែកទូរស័ព្ទចល័តរបស់ក្រុមហ៊ុន Samsung បាននិយាយថា “វាគឺជារឿងដ៏ឈឺចាប់បំផុតសម្រាប់រូបលោកហើយវាមិនធ្លាប់កើតមានឡើងនោះទេសម្រាប់រយៈពេល 33 ឆ្នាំដែលលោកបានធ្វើការនៅក្នុងក្រុមហ៊ុនបច្ចេកវិទ្យាយក្សមួយនេះ៕” សូមទស្សនាវីដេអូ៖    

តើលោកអ្នកចង់បាននូវទំហំអេក្រង់បែបណាសម្រាប់ស្មាតហ្វូន Galaxy S8 ?

  • January 24, 2017
  • 0 Comments

វាមានពាក្យចចាមអារ៉ាមជាច្រើនដែលបានបែកធ្លាយអំពីស្មាតហ្វូនស៊េរីថ្មី Samsung Galaxy S8 ដែលមានការរចនារូបរាងថ្មីប្លែក និងមានអេក្រង់ទំហំធំជាងទូរស័ព្ទ Samsung Galaxy S7 ថែមទៀតផង ហើយទំហំអេក្រង់នេះប្រហែលជាធំប៉ុនទំហំអេក្រង់របស់ Galaxy S7 Edge ។ សម្រាប់ស្មាតហ្វូន Galaxy S8 Plus ត្រូវបានគេជឿជាក់ថាប្រហែលជាមានអេក្រង់ទំហំដល់ទៅ 6.3 អ៊ីង។ យ៉ាងណាមិញ ទំហំអេក្រង់នេះនៅមិនទាន់ធំពេកនោះទេព្រោះថាវត្តមានរបស់ Xiaomi Mi Mix ក៏មានអេក្រង់ធំដែលមានស៊ុមព័ទ្ធជុំវិញអេក្រង់តូចដែលធ្វើឱ្យអ្នកប្រើប្រាស់មួយចំនួនគិតថាទូរស័ព្ទនេះពិតជាធំមែនទែន។ ក៏ប៉ុន្តែអេក្រង់ដែលមានទំហំធំពិតជាទទួលនូវការពេញនិយមខ្លាំងមែនទែននាពេលបច្ចុប្បន្ននេះ។ មនុស្សភាគច្រើនពេញចិត្តជាមួយនឹងអេក្រង់ចាប់ពីទំហំ 5.5 អ៊ីងឡើងទៅដែលក្រុមហ៊ុនបច្ចេកវិទ្យាធំៗជាច្រើនបានប្រើប្រាស់។ តើលោកអ្នកចង់ឃើញនូវស្មាតហ្វូន Galaxy S8 មានអេក្រង់ធំដល់ទៅ 5.7 អ៊ីងដែរឬទេ? ចំនែកស្មាតហ្វូន Galaxy S8 Plus ធានាថាពិតជាមានអេក្រង់ធំជាង S7 Edge ទៀតផង៕

ពាក្យចចាមអារ៉ាមថ្មីបញ្ជាក់ថា Samsung Galaxy S8 នឹងបង្ហាញខ្លួននៅថ្ងៃទី 29 ខែមីនា

  • January 24, 2017
  • 0 Comments

ពេលនេះ យើងបានទទួលនូវដំណឹងព័ត៌មានថ្មីមួយទៀតចេញពីប្រភពតែមួយដែលបាននិយាយអំពីស្មាតហ្វូន Samsung Galaxy S8 ចេញពីគណនីឈ្មោះថា @Ricciolo1 ។ កាលពីថ្ងៃទី 16 ខែមករាគណនីឈ្មោះថា @Ricciolo1 បានអះអាងថាស្មាតហ្វូន Samsung Galaxy S8 បានត្រៀមខ្លួនរួចរាល់ហើយសម្រាប់ព្រឹត្តិការណ៍ MWC ប៉ុន្តែព័ត៌មាននេះនៅមិនទាន់បានប្រកាសជាសាធារណៈនោះទេ។ នៅថ្ងៃនេះ គណនីដដែលបានបញ្ជាក់ថា ស្មាតហ្វូនស៊េរីថ្មីនេះប្រកាសបង្ហាញខ្លួននៅថ្ងៃទី 29 ខែមីនា ហើយនឹងចាប់ផ្តើមដាក់លក់នៅក្នុងសប្តាហ៍ទី 17 នៅក្នុងឆ្នាំនេះដែលមានតម្លៃចាប់ផ្តើមពី 849 ដុល្លារអាមេរិច។ ក្រុមហ៊ុន Samsung ក៏មានគម្រោផែនការជាច្រើនក្នុងការធ្វើកម្មវិធីសម្ភោធន៍នេះនៅក្នុងទឹកដីសហរដ្ឋអាមេរិច និងសហភាពអ៊ឺរ៉ុបផងដែរ។ ព្រឹត្តិការណ៍នេះត្រូវបានគេដឹងថាប្រហែលជាធ្វើនៅទីក្រុងញ៉ូវយ៉កដូចដែលក្រុមហ៊ុន Samsung ធ្លាប់បានសម្ភោធន៍នូវស្មាតហ្វូនស៊េរីថ្មីរបស់ខ្លួនកាលពីឆ្នាំមុនផងដែរ៕

Galaxy A ស៊េរី 2017 ត្រូវបានដាក់សម្ភោធជាផ្លូវការសំរាប់លក់ក្នុងទីផ្សារកម្ពុជា

  • January 23, 2017
  • 0 Comments

សាខាក្រុមហ៊ុនថៃសាមសុងអេឡិកត្រូនិកបានដាក់សម្ភោធទូរស័ព្ទសាមសុង Galaxy A ស៊េរី 2017​​ សំរាប់លក់ក្នុងទីផ្សារកម្ពុជា ជាផ្លូវការហើយនាថ្ងៃទី២១ ខែមករា ឆ្នាំ 2017 នៅ រាជធានីភ្នំពេញ រួមមាន Galaxy A7 Galaxy A5 និង Galaxy A3។ ការបង្ហាញវត្តមានជាផ្លូវការនេះដែរ Galaxy A ស៊េរី 2017 ពិតជាបានផ្តល់ការទាក់ទាញចំណាប់អារម្មណ៍របស់អតិថិជនក្នុងការចូលរួមនិងធ្វើតេស្តដោយផ្ទាល់នូវលក្ខណៈពិសេសរួមទាំងបច្ចេកវិទ្យាទំនើបដែលបានបំពាក់លើត្រកូលរបស់ Galaxy A ស៊េរី 2017 ទាំងបីម៉ូឌែលនេះយ៉ាងច្រើនកុះករផងដែរ។   ទូរស័ព្ទ Galaxy A ស៊េរី 2017   ត្រូវបានរចនាប្រកបដោយប្រណីតភាព និងបច្ចេកវិទ្យាថ្មីៗដែលមាន    លក្ខណៈពិសេសរួមមាន ការមេរ៉ាទាំងមុខនិងក្រោយទំហំ 16 មេហ្គាភីកស៊ែល​ (Galaxy A7 និង Galaxy A5) មុខងារ IP68 ជាអាវក្រោះការជ្រាបទឹកជម្រៅរហូតដល់ 1.5m រយៈពេល 30នាទី និងការពារធូលី […]

រឿងអាស្រូវធំមួយទៀតនៅចិន: Huawei ចោទអតីតបុគ្គលិកខ្លួនឯង ៦ នាក់លក់ទិន្នន័យ និងកូដសម្ងាត់

  • January 21, 2017
  • 0 Comments

ការប្រកួតប្រជែងនៅលើទីផ្សារស្មាតហ្វូនកំពុងតែកើនឡើងខ្លាំងក្លានៅក្នុងពិភពលោក។ ដោយឡែកក្រុមហ៊ុន Huawei របស់ចិនដែលធ្លាប់ស្រម៉ៃចង់បានចំណាត់ថ្នាក់លេខ ២ ផ្នែកលក់ទូរស័ព្ទដែលជាដំនែងរបស់ក្រុមហ៊ុន Apple នាពេលបច្ចុប្បន្ននេះ ពេលនេះបានផ្ទុះរឿងអាស្រូវធំមួយដែលបាននិយាយតៗគ្នានៅក្នុងប្រទេសចិនអំពីរឿងបុគ្គលិកនៅក្នុងក្រុមហ៊ុនរបស់ខ្លួនលួចទិន្នន័យ និងកូដសម្ងាត់ទៅកាន់ក្រុមហ៊ុន Coolpad ដែលជាក្រុមហ៊ុនកុលបុត្រសម្ព័ន្ធរបស់ក្រុមហ៊ុន LeEco។ តាមប្រភពពី klgadgetguy.com បានចុះផ្សាយថា ក្រុមហ៊ុន​ Huawei បានចោទប្រកាន់ទៅលើអតីតបុគ្គលិកកូនចៅក្រុមហ៊ុនរបស់ខ្លួនចំនួន ៦ នាក់ដែលបានទម្លាយនូវឯកសារសម្ងាត់របស់ក្រុមហ៊ុន Huawei ទៅខាងក្រៅ។ អតីតវិស្វករ និងអ្នករចនារូបរាងទាំង ៦ នាក់នេះត្រូវបាន Huawei ប្តឹងចាប់ខ្លួន និងកំពុងតែសាកសួរចម្លើយនៅក្នុងនាយកដ្ឋានសុវត្ថិភាពសាធារណៈនៅក្នុងទីក្រុង Shenzhen ។ នៅក្នុងចំនោមបុគ្គលិកទាំង ៦ នាក់នេះក៏មានបុគ្គលិកម្នាក់ដែលមានឈ្មោះថា Wu Bin ដែលជាប្រធានផ្នែករចនាម៉ូដរបស់ Huawei P6 ក៏ត្រូវបានសាកសួរចម្លើយផងដែរ។ អ្វីដែលគួរឱ្យចាប់អារម្មណ៍នោះគឺថា ក្រុមហ៊ុន Coolpad បានអះអាងថាអតីតបុគ្គលិកទាំង ៦ នាក់នោះមិនបានផ្តល់ឯកសារ ឬកូដសម្ងាត់អ្វីមកកាន់ក្រុមហ៊ុននោះទេ។ យើងនៅមិនទាន់ដឹងបន្ថែមទៀតទេ តើអនាគតរបស់អតីតបុគ្គលិក Huawei ទាំង ៦ នាក់នេះពិតជាមានកំហុសពិតមែន ឬគ្រាន់តែជាការចោទប្រកាន់នោះ? […]

ទូរស័ព្ទ Samsung ជាច្រើនស៊េរីទៀតនឹងអាចប្រើប្រាស់នូវប្រព័ន្ធប្រតិបត្តិការ Android Nougat បាននាពេលឆាប់ៗនេះ!

  • January 20, 2017
  • 0 Comments

ថ្មីៗនេះ ក្រុមហ៊ុន Samsung បានផ្ញើរចេញនូវប្រព័ន្ធប្រតិបត្តិការ Android Nougat ទៅកាន់ស្មាតហ្វូន​ Galaxy S7 និង​ Galaxy S7 Edge (តាំងពីថ្ងៃទី 17 ខែមករា) ប៉ុន្តែសម្រាប់ស្មាតហ្វូនជាច្រើនស៊េរីទៀតអាចនឹងប្រើប្រាស់នូវប្រព័ន្ធប្រតិបត្តិការ Android Nougat នេះដោយចាប់ផ្តើមពីឆមាសទី ១ ឆ្នាំនេះទៅ។ សម្រាប់ម៉ូដែល Galaxy S6 និង Galaxy Note 5 រួមទាំងត្រកូលទូរស័ព្ទ Galaxy A3, Galaxy A5, Galaxy A7, Galaxy A8, Galaxy Tab A ដែលប្រើប្រាស់នូវប៊ិក S Pen និងប្រព័ន្ធប្រតិបត្តិការ Tab S2 (LTE) ។ ការអាប់ឌែតទៅលើប្រព័ន្ធប្រតិបត្តិការ Android Nougat អាចជួយពង្រឹងទៅលើការប្រើប្រាស់នូវ Multi-Window និង […]

ត្រឹមតែ ១ នាទីទូរស័ព្ទ Nokia 6 លក់អស់រលីងនៅថ្ងៃប្រកាសដាក់លក់!

  • January 20, 2017
  • 0 Comments

បន្ទាប់ពីការប្រកាសបង្ហាញវត្តមានជាច្រើនសប្តាហ៍កន្លងមកហើយ ទូរស័ព្ទ Nokia 6 បានបំបែកកំណត់ត្រានៅថ្ងៃនេះដោយបានលក់ដាច់អស់រលីងតែម្តងនៅក្នុងស្តុកដោយចំណាយពេលត្រឹមតែ ១ នាទីប៉ុណ្ណោះ។ ខណៈពេលដែលយើងនៅមិនទាន់បានដឹងច្បាស់អំពីចំនួននៃការលក់អស់ប៉ុន្មាននៅឡើយទេ ប៉ុន្តែទូរស័ព្ទនេះបានទទួលនូវការចុះឈ្មោះជាវច្រើនជាង ១ លាននាក់។ លក្ខណៈសម្បត្តិរបស់ទូរស័ព្ទ Nokia 6 គឺប្រើប្រាស់នូវប្រព័ន្ធប្រតិបត្តិការ Snapdragon 430 កញ្ចក់អេក្រង់ទំហំ 5.5 អ៊ីងកម្រិតភាពច្បាស់ 1080p ជាមួយនឹងកញ្ចក់អេក្រង់កោង 2.5D Gorilla Glass រ៉េមទំហំ 4GB ម៉េមូរីក្នុងម៉ាស៊ីនទំហំ 64GB កាមេរ៉ាខាងក្រោយទំហំ 16MP កាមេរ៉ាខាងមុខទំហំ 8MB ថាមពលថ្មកម្លាំង 3000mAh និងប្រព័ន្ធប្រតិបត្តិការ Android 7.0 Nougat ថែមទៀតផង។ ស្មាតហ្វូននេះដាក់លក់នៅក្នុងតម្លៃ 245 ដុល្លារអាមេរិចសម្រាប់តែនៅក្នុងប្រទេសចិននៅឡើយទេ៕ 

ស្មាតហ្វូន Samsung Galaxy S7 អាចតម្លើងប្រើប្រាស់ប្រព័ន្ធប្រតិបត្តិការ Android Nougat នៅអង់គ្លេស

  • January 20, 2017
  • 0 Comments

ពេលនេះ អ្នកប្រើប្រាស់របស់ស្មាតហ្វូន Galaxy S7 និង Galaxy S7 Edge ដែលបានតម្លើងប្រើប្រាស់នូវប្រព័ន្ធប្រតិបត្តិការ Android Beta បានទទួលនូវសាររំលឹកពីការប្រើប្រាស់នូវ Android Nougat ផ្លូវការចុងក្រោយហើយ។ ប្រព័ន្ធប្រតិបត្តិការ Android Nougat បានដាក់ឱ្យប្រើប្រាស់ជាផ្លូវការនៅថ្ងៃទី 17 ខែមករាខាងមុខនេះដែលអាចប្រើប្រាស់បានសម្រាប់ម៉ូដែលលេខកូដ SM-G930F និង SM-G935F នៅក្នុងចក្រភពអង់គ្លេស។ ការអាប់ឌែតនេះមានទំហំប្រហែលជា 1.2 ទៅ 1.3GB ដែលមានលេខកូដ XXU1DPLT។ តាមការបញ្ជាក់អំពីអ្នកប្រើប្រាស់ម្នាក់នៅ Reddit បានបញ្ជាក់ថា ទូរស័ព្ទ Galaxy S7 អាចធ្វើការអាប់ឌែតប្រើប្រាស់នូវប្រព័ន្ធប្រតិបត្តិការ Android Nougat ចាប់ផ្តើមពីថ្ងៃច័ន្ទ ទី 23 ខែមករាខាងមុខនេះទៅ។ ការអាប់ឌែតសម្រាប់ Galaxy S7 និង Galaxy S7 Edge គឺបានត្រឹមតែ Android 7.0.1 Nougat […]

សម្បក Case ថ្មីរបស់ទូរស័ព្ទ Galaxy J7 (2017) ពិតជាមានភាពស្រស់ស្អាត!

  • January 20, 2017
  • 0 Comments

បន្ទាប់ពីក្រុមហ៊ុន Samsung បានធ្វើការប្រកាសដាក់បង្ហាញនូវស្មាតហ្វូនត្រកូល Galaxy A (2017) ហើយក្រុមហ៊ុនក៏ត្រៀមខ្លួនក្នុងការប្រកាសបង្ហាញនូវ Galaxy J (2017) ផងដែរ។ ក្រុមហ៊ុនបច្ចេកវិទ្យារបស់កូរ៉េខាងត្បូងបានចាប់ផ្តើមបង្ហាញនូវ​ Galaxy A3 (2017) , Galaxy A5 (2017) និង​ Galaxy A7 (2017) ហើយជំហានបន្តគឺការបញ្ចេញនូវស្មាតហ្វូន Galaxy J (2017) វិញម្តង។ ពេលនេះ រូបភាពរបស់ Galaxy J7 (2017) ជាច្រើនត្រូវបានដាក់បង្ហាញខ្លួនអំពីលក្ខណៈសម្បត្តិរបស់ទូរស័ព្ទនេះរួមទាំងរូបភាព 3D ផងដែរ។ ចំនែកការរចនារូបរាងរបស់ Galaxy J7 (2017) នេះក៏មានលក្ខណៈប្លែកផងដែរដោយសារតែវាប្រើប្រាស់នូវអេក្រង់ Touchscreen រន្ធដោត microUSB កាមេរ៉ាមួយនៅខាងក្រោយដដែល រន្ធដោតកាស 3.5mm Jack និងប៊ូតុង Home ផងដែរ។ ចំនែកលក្ខណៈសម្បត្តិរបស់ទូរស័ព្ទនេះមានដូចជាបន្ទះឈីប Snapdragon 625 រ៉េមផ្ទុកទិន្នន័យបណ្តោះអាសន្នទំហំ […]

បែកធ្លាយ បន្ទះផ្ទាំងកញ្ចក់របស់ទូរស័ព្ទ Galaxy S8 ពិតជាស្រស់ស្អាត ទាក់ទាញបំផុត!

  • January 20, 2017
  • 0 Comments

នៅរយៈពេលប៉ុន្មានថ្ងៃនេះ មនុស្សម្នាក់បានបង្ហោះនៅលើបណ្តាញសង្គម Twitter អំពីរូបភាពថ្មីមួយដែលអះអាងថាជាកញ្ចក់អេក្រង់របស់ទូរស័ព្ទ Galaxy S8 ដែលមានទំហំអេក្រង់ពីរផ្សេងគ្នា (អេក្រង់កោង) ។ រូបភាព Renders ថ្មី និងវិមាត្ររបស់វាត្រូវបានបែកធ្លាយ ហើយប្រសិនបើយើងនឹកឃើញទៅដល់ស្មាតហ្វូន Galaxy Note 7 នោះវាប្រហែលជាប្រើប្រាស់នូវប្រព័ន្ធស្កែនក្រយ៉ៅភ្នែក Iris Scanner ផងដែរ។ នៅក្នុងសារបង្ហោះនេះបានបង្ហាញអំពីរូបភាពអេក្រង់ដែលមនុស្សជាច្រើនគិតថាវាជារឿងពិត ប៉ុន្តែគ្រាន់តែប្រភពនេះមិនទាន់ច្បាស់ 100% នោះទេ។ បើពិនិត្យមើលទៅលើអេក្រង់របស់ Galaxy S8 នេះវាពិតជាមានគែមព័ទ្ធជុំវិញអេក្រង់តូចមែនទែន ហើយទូរស័ព្ទនេះប្រហែលជាប្រកាសបង្ហាញខ្លួននៅថ្ងៃទី 29 ខែមីនា ហើយការដាក់លក់ប្រហែលជានៅខែមេសា។ តើលោកអ្នកមានអារម្មណ៍បែបណាដែរសម្រាប់បន្ទះអេក្រង់កញ្ចក់នេះ? តើលោកអ្នកគិតថាអេក្រង់កញ្ចក់នេះជារឿងពិតនោះទេ?